Minn tal-inqas tmien persuni nqatlu u għexieren oħra ndarbu wara li splużjoni kkawżat nirien f’ċentru tal-komunita’ fit-tramuntana tal-Portugal.
In-nirien bdew meta sploda boiler, b’aktar minn sittin persuna kienu fiċ-ċentru għal turnew jew sabiex isegwu partita futbol fuq it-televiżjoni. Is-sindku ta’ Tondela qal li n-nirien seħħew f’ċentru kulturali u rikreazzjonali li kien ferm attiv u fil-qalba tal-komunita’. Fost dawk midruba, sitta ndarbu serjament, b’ħafna minnhom soffrew ħruq jew belgħu d-dħaħen.
