Jumejn wara li kien qed jiċċelebra r-rebħ tal-FA Cup id-diriġenti ta’ Manchester United qalu BARRA lill-Olandiż, Louis Van Gaal. Il-kitba kienet fuq il-ħajt, bħal ma donnu hi fuq il-ħajt il-kitba li Jose Mourinho se jkun il-kowċ il-ġdid tat-tim. Peró sakemm l-aħbar tkun uffiċjali qatt ħadd ma jeskludi xejn.
Van Gaal, ta’ 64 sena, se jkun għamel sentejn mit-tliet snin kuntratt tiegħu li matulhom daħħal iktar minn sitt miljun sterlina kull sena.
Fl-ewwel sena ta’ Van Gaal mal-United it-team spiċċa fir-raba’ post u kwalifika għaċ-Champions League, iżda din is-sena ma kienx il-każ bit-tim jispiċċa fil-ħames post biex is-sena d-dieħla l-futbol Ewropew se jesperjenzawh nhar ta’ Ħamis.
