Fi tmiem ġimgħa li matulha rrapportajna l-ammont kbir ta’ Maltin li telgħu għal-logħba tal-lejla bejn Juventus u Milan, il-passjoni tagħna l-Maltin għall-futbol Taljan kienet innotata wkoll mill-midja Taljana.
Fil-Corriere Dello Sport kien innotat kif f’Malta qed tikbur il-passjoni għall-‘azzuri.” Jinnotaw kif hemm stennija kbira għal-logħba Malta – Skozja tad-29 ta’ Mejju u kif għalkemm il-logħba mhux se tintlagħab l-Italja it-tim Taljan mhux se jkun wisq bogħod milli jilgħab ‘home.”
Il-Corriere jinnota kif din is-sena kellna lill-Miccoli jilgħab ma’ Birkirkara u Gaucci President ta’ Floriana. Jinnotaw ukoll li l-Juventus, il-Milan u l-Inter huma segwiti ħafna, bil-fan club tal-Juventus huwa l-ikbar wieħed fl-Ewropa.
