Tilef ħajtu l-kantant ta’ fama mondjali Tom Petty, magħruf l-aktar bħala l-wiċċ tal-grupp mużikali Tom Petty and the Heartbreakers, fl-età ta’ 66 sena.
Jitqies bħala leġġenda tal-mużika rock, Petty tilef ħajtu kawża ta’ attakk tal-qalb. Hu nstab mitluf minn sensieh fir-residenza tiegħu f’Malibu l-Ħadd filgħaxija. Hu ttieħed l-isptar ta’ Santa Monca fejn tpoġġa fuq magna li żżommu ħaj.
