Djamant kbir magħruf bħala Oppenheimer Blue laħaq rekord ġdid fl-irkant. Dan wara li nbiegħ għal $50.6 miljun dollaru Amerikan.
Il-djamant ta’ 14.62 karat inbiegħet wara 20 minuta ta’ rkant bit-telefown fil-Christie’s Auction House f’Ġinevra, l-Isvizzera.
Filwaqt li l-identità tal-bejjiegħ għadha mhix magħrufa, il-ħaġra prezzjuża kienet mistennija li titla’ għal $46 miljun Amerikan.
Huwa mifhum li d-djamant ħa ismu mingħand Sir Philip Oppenheimer, li mexxa l-kartell tal-kummerċ tad-djamanti f’Londra.
