Rejd li sar matul il-jum f’dar fil-Kottonera wassal biex jinstabu d-dehbijiet u l-oġġetti sagri li nsterqu mill-Kolleġġjata tal-Immakulata Kunċizzjoni f’Bormla f’Lulju li għadda.
Ma’ One News, l-Arċipriet ta’ Bormla, Dun Anton Cassar qal li l-valur tal-labra tal-brillantini li titwaħħal fuq il-kwadru tal-Madonna, li kienet stmata li tiswa mal-20,000 ewro, ma kinitx tiswa aktar minn 100 ewro.
