Ma jaqtgħu xejn il-battibekki bejn iż-żewġ kandidati fit-tellieqa għall-kariga ta’ Kap tal-Partit Nazzjonalista.
Mumenti qabel ma indirizza lill-ġurnalisti f’konferenza tal-aħbarijiet, Chris Said kiteb fuq Facebook li nies qrib l-avversarju tiegħu Adrian Delia, qalulu biex jieqaf mit-tellieqa għall-kariga ta’ Kap tal-Partit Nazzjonalista, u jara x’kariga jrid fl-istess Partit.
Iżda filwaqt li sostna li qatt ma ħares lejn il-karigi, il-kandidat għall-kariga ta’ Kap tal-Partit Nazzjonalista, qal li m’għandux ħsieb jirtira l-kandidatura tiegħu.
