Għargħar li ħoloq valangi tat-tajn waqt maltempata kbira fi Sri Lanka ħalla 19–il persuna mejta u mijiet ta’ eluf mingħajr saqaf fuq rashom.
Huwa stmat li s’issa kważi 350,000 ġew milquta mill-għargħar. 200,000 minnhom kellhom jiġu evakwati minn djarhom.
F’belt ewlenija fil-pajjiż, niżlu kważi erba’ mitt millimetri ta’ xita f’temp t’24 siegħa. Il-maltempa waslet ġimgħat qabel ma jiftaħ l-istaġun tal-Monsoon, perjodu magħruf għal xita qalila, li normalment tikkawża l-valangi tat-tajn.
