Kmieni dalgħodu l-Pulizija ġew infurmati li seħħet serqa mil-Knisja tal-Immakulata Kunċiżżjoni f’Bormla.
Il-każ ġie rrapportat għall-ħabta tas-6:40 ta’ dalgħodu fi triq il-Pellegrinaġġ f’Bormla fejn qed ikun stmat li nsterqu ‘l fuq minn €16,000 f’oġġetti u flus. Ammont li jeskludi s-serq tal-labra tal-brillantini li waħidha tiswa madwar €20,000.
Hu mifhum li x’aktarx il-ħallelin daħlu fil-Knisja billi xxabbtu ma’ scaffolding li hemm mal-istess knisja.
Dwar dan il-każ infetħet inkjesta Maġisterjali.
