Liquorish ikompli b’aktar sorpriżi, hekk kif Natius Farrugia issa se jerġa’ jirritorna fl-avventura. Natius kien ħa sehem fil-programm popolari fl-edizzjoni tal-2010, meta t-tim ta’ Liquorish kien żar il-Malażja u Borneo. Dik kienet sena ta’ suċċess għal-programm, anke għaliex fiha kien hemm il-karattru Natius.
Waqt l-avventura ta’ sitt snin ilu, dan kien qal li żgur ma kien se jerġa jagħmel avventura bħal din, iżda wara diskussjoni ma’ Andrea Cassar u it-tim tal-produzzjoni, dan aċċetta li jirritorna għal żmien qasir għal din l-avventura.
Fil-programm tal-lejla, se ngħixu l-mument meta l-parteċipanti se jiskopru li magħhom se jiżdied Natius u li dan irid jagħmel l-avventura magħhom.
Illum ukoll jibdew l-ewwel eliminazzjonijiet u b’mod esklussiv, ONE.COM.MT skopra li l-eliminati mhumiex se jibqgħu sejrin id-dar u xi ħadd mill-eliminati se jkollu il-possibiltà li jirritorna mal-kumplament tal-parteċipanti biex ikompli bl-avventura.
Liquorish ikompli ma’ Andrea Cassar illela, fit-20:30 fuq ONE u OEN HD Channel 113 GO Interactive
