L-Erbgħa filgħodu bdew iċ-ċelebrazzjonijiet marbuta mal-203 sena sa mit-twaqqif tal-Korp tal-Pulizija dan b’ kunċert u wirja mtella mill-istess Korp fi Pjazza Ħelsien.
It-tħejjija ta’ dawn l-avvenimenti bdiet minn diversi ġimgħat qabel hekk kif trid tiġi mħejjija l-mużika u preparamenti oħra relatati. L-attivitajiet tul din il-ġimgħa se jkunu varji; minn wirjijiet ġewwa Pjazza Ħelsien, il-Belt Valleta mill-Banda tal-Korp tal-Pulizija, Precision Drill Team, sezzjoni tal-Klieb, flimkien ma’ wirja ta’ vetturi antiki u moderni użati mill-Pulizija, fi Pjazza Ħelsien.It-tfal preżenti għal din l-attivita’ qed jingħataw l-opportunita’ li jirkbu fuq iż-żwiemel tal-Kavallerija u fuq mutur tat-traffiku, li jinsabu f’Misraħ il-Ħelsien.
