“Poġġejna u bdejna nistennew biex jasal il-mument li mmutu.” Dan kien kumment li qal Gareth Roberts wara esperjenza mill-ikrah li kellu jgħaddi fil-foresta tal-Portugall li nħakmet minn nirien kbar.
Roberts kien qed jivvjaġġa b’vettura jipprova jaħrab mill-foresta iżda tant infirex malajr li ma kien hemm ebda post minn fejn jaħrab. Kien għalekk li hu niżel mill-karozza u sab dar ċkejkna fejn s-sid salva madwar għaxar persuni billi ħalla l-ilma jgħati sabiex l-art tibqa’ mxarrba.
Minn hemm Roberts poġġa flimkien ma’ diversi stranġieri, jitlob u jistenna biex jara jekk hux se jgħixu.
Fortunatament in-nirien laħqu sa ftit metri ‘l bod mid-dar iżda ma ħarqux id-dar li kienu fiha u kien ftit tas-sigħat wara li ħarġu jittawlu u sabu li kollox kien għadda.
Sfortunatament f’dan l-inċident tilfu ħjjithom madwar 60 persuna.
