Jum iddominat minn sbatax-il żjara li jibdew għall-ħabta tat-8:00 ta’ dalgħodu u jintemmu għall-ħabta tal-16:00 ta’ wara nofisnhar fejn l-ewwel post li se jkun qed iżur huwa s-Suq tal-Belt. Wara se jkun qed imur il-Furjana, il-Pietà, is-Swatar, il-Gżira, Tas-Sliema, Ta’ Giorni, Pembroke, is-Swieqi, in-Naxxar, l-Imtarfa, Ħad-Dingli, Ħal Balzan, St Venera, Ħal Farruġ, l-Imqabba u Ħal Safi. L-aħħar żjara tal-jum se tkun f’Ħaż-Żabbar.
Fit-tieni żjara fil-lokalità tal-Furjana l-Prim Ministru qal li jinsab hawn biex iħeġġeġ lil kulħadd biex jivvota kmieni kemm jista’ jkun is-sibt li ġej filwaqt li ħeġġiġom biex jivvutaw lill-kandidati kollha tal-Partit Labursita.
It-tielet lokalità li fiha mar il-Prim Ministru hi l-Pietà fejn ingħata merħba mill-isbaħ mill-komunità.
Fuq il-lista’ ta’ żjarat li bħalissa qed jagħmel il-Prim Ministru kien imiss is-Swatar.
Folla mdaqqsa laqgħet lill-Prim Minsitru ħdejn l-Orpheum fil-lokalità tal-Gżira dan hekk kif żar il-ħames lokalità mis-sbatax-il waħda li se jkun qed iżur illum. Il-Prim Ministru mar-residenti tal-Gżira sostna kif id-destin ta’ dan il-pajjiż jinsab f’idejna fejn ħeġġiġom biex nhar is-Sibt illi ġej joħorġu jivvutaw għall-kandidati kollha tal-Partit Laburista.
Kien imiss lis-Slimiżi biex sa fl-aħħar jilqgħu lill-Prim Ministru fil-lokalità ta’ Tas-Sliema.
Residenti u familji minn Ta’ Giorni ħarġu fit-toroq biex jagħtu merħba mill-isbaħ lill-Prim Ministru
Folla ikbar mill-oħra qed tistenna lill-Prim Minsitru fil-lokalitajiet li qed iżur fejn għall-ħabta tal-11:30 ta’ dalgħodu hu ngħata merħba sabiħa f’Pembroke.
Għall-ħabta ta’ nofsinhar il-Prim Ministr żar lill-komunità tas-Swieqi fejn ir-residenti laqgħu lill-Prim Ministru b’ċapċip u kliem ta’ tifħir.
Tkompli l-ħidma tal-aħħar jum tal-kampanja elettorali fejn kien imiss il-lokalità tan-Naxxar li tilqa’ lill-Prim Ministru fil-komunità.
Fadal biss sitt lokalitajiet oħra, fejn bħalissa l-Prim Minsitru jinsab fil-lokalità l-Imtarfa. F’diskors li għamel quddiem ir-residenti, Muscat spjega kif kull vot hu importanti u ħeġiġom biex f’jum il-votazzjoni joħorġu jivvutaw kmieni.
It-tnax-il lokalità minn 18-il waħda li se jkun qed iżur b’kollox illum, il-Prim Ministru mar sal-lokalità ta’ Ħad-Dingli fejn ir-residenti ħolqu ambjent ta’ brijju b’merħba sabiħa għall-Prim Ministru.
Imiss il-lokalità ta’ Ħal Balzan, fejn minkejja ċ-ċokon tagħha l-merħba li ngħata l-Prim Ministru ma naqsitx b’folla mdaqqsa kienet lesta tistennieh.
Il-kuluri abjad u aħmar, sinonimi mal-bandiera Maltija, iddominaw it-toroq f’Santa Venera fejn għexieren ta’ residenti laqgħu lil Joseph Muscat fil-lokalità tagħom waqt żjara fl-aħħar jum tal-kampanja.
Fadal biss tliet lokalitajiet, dan hekk kif bħalissa l-Prim Ministru jinsab f’Ħal Farruġ.
Fadal biss Ħal Safi u Ħaż Żabbar fejn bħalissa Joseph Muscat jinsab l-Imqabba jitkellem mar-residenti tal-lokal li laqgħuh b’merħba sabiħa.
Hekk kif kważi daqt jintemmu ż-żjarat, folla mdaqqsa laqgħet lill-Prim Ministru ġewwa l-lokalità ta’ Ħal Safi fejn Joseph Muscat ħeġġiġhom għal darb’oħra biex nhar is-Sibt joħorġu jivvotaw kmieni.
Propju ftit tal-ħin ilu ż-żjarat waslu fi tmiemhom hekk kif l-aħħar lokalità kienet dik ta’ Ħaż-Żabbar. Għexieren ta; persuni nġabru fejn laqgħu bil-kbir lill-Prim Ministru b’ċapċip.
