Tħabbret il-mewt tal-kantant Chris Cornell fl-età ta’ 52 sena.
Hu kien magħruf l-aktar għas-sehem tiegħu fill-gruppi mużikali Soundgarden u Audioslave, u kif ukoll għas-sehem tiegħu fil-kanzunetta ewlenija tal-film James Bond, Casino Royale, fis-sena 2006.
Fi stqarrija ngħad li l-mewt ta’ Cornell kienet waħda li ħadd ma kien qed jistenna.
Intqal ukoll li l-membri tal-familja tiegħu se jkunu qed jaħdmu flimkien ma’ tim mediku sabiex jinstab x’wassal għall-mewt tiegħu.
Cornell miet ftit wara li lesta kunċert flimkien mall-grupp mużikali Soundgarden f’Detroit ilbieraħ filgħaxija.
