- Jispiċċa l-użu tal-heavy fuel oil u neqilbu għall-gass
- Programm speċjali fl-okkażjoni tal-ftuħ tal-Power Station mis-18:30 ‘il quddiem fuq ONE
Illum huwa jum storiku għal pajjiżna. Mill-aktar fjuwil li jħammeġ, il-heavy fuel oil, pajjiżna se jibda juża l-gass, l-aktar fjuwil nadif biex jiġġenera l-elettriku tiegħu. Din hija wegħda oħra mwettqa. Wegħda oħra li għal ħaddieħor kienet impossibli li ssir.
“Il-fabbrika tal-kanċer ingħalqet” qal il-Partit Laburista fi stqarrija.
Żied jgħid li dan m’huwiex biss nifs fil-fond għall-familji tan-naħa ta’ isfel ta’ Malta li ilhom tant snin jaqilgħu u jibilgħu d-dħaħen, iżda nifs ġdid għal pajjiż kollu li fl-aħħar se jgawdi minn arja nadifa.
Fis-settur tal-enerġija Gvern ta’ Joseph Muscat għamel turnaround:
- Minn fost l-ogħla kontijiet tad-dawl u l-ilma fl-Ewropa għal €80miljun fis-sena fil-bwiet tal-familji Maltin u Għawdxin permezz tat-traħħis;
- Minn Enemalta falluta bi kważi €1biljun dejn għall-kumpanija li qed tagħmel il-qligħ u li qed tinvesti anke barra minn xtutna;
- Minn prezzijiet tal-fjuwil telgħin u neżlin, għall-stabilità fil-prezzijiet tal-fjuwil;
- Minn prezzijiet taċ-ċilindri tal-gass dejjem telgħin ‘il fuq għall-stabilità;
- Minn tniġġiż u mard għall-arja aktar nadifa u saħħa għall-uliedna;
- Minn ċumnija eyesore f’Marsaxlokk u għall-iżmantellar tagħha;
- Power station tal-Marsa magħluqa u mhux wegħdi ta’ 30 sena biss
Dan huwa Gvern li qed iwettaq dak li jwiegħed. Dan il-Gvern biss jista’ jagħti garanzija ta’ kontijiet irħas u arja aktar nadifa. Simon Busuttil jista’ jagħti garanzija li jreġġa’ l-arloġġ lura.
Il-poplu ma jridx imur lura meta mexa tant ‘il quddiem, temm jgħid il-Partit Laburista.
