Natasha Exelby sa ftit taż-żmien ilu ma kinitx xi waħda magħrufa internazzjonalment. Dan kollu nbidel wara żball li ħadet li spiċċa dar dawra madwar id-dinja. Filwaqt li l-iżball ġabilha l-fama, kellu konsegwenzi wkoll.
Waqt li kienet qed taqra l-aħbarijiet għal ABC News, ma ndunatx li kienet on-air mill-ġdid. Xħin intebħet, ir-reazzjoni tagħha kienet sorprendenti.
Id-direttur tal-aħbarijiet qal li mhux minnu li Exelby tkeċċiet mix-xogħol, imma qal li l-kwalità ta’ dak li joħroġ fuq l-iskrijn hija importanti ħafna. Dan fost ħafna rapporti li lit-tfajla se jtuha rwoli oħra, li ma jinvolvux qari ta’ aħbarijiet.
