Uħud mill-akbar kumpaniji barranin tal-gaming f’pajjiżna, u kumpaniji oħra lokali ġejjin minn oqsma varji, ingħaqdu flimkien sabiex jorganizzaw l-akbar avveniment mill-privat, għal għan nobbli.
White Label Casinos u BGaming flimkien ma’ Next.io, se jkunu qed itellgħu gala dinner, bil-flus imorru kollha sabiex Bjorn Formosa jiftaħ it-tielet dar li fiha jilqa’ nies bl-ALS u problemi newroloġiċi.
F’Villa Bighi, ONE NEWS iltaqa’ ma’ rappreżentanti ta’ dawn il-kumpaniji stabbiliti f’pajjiżna, fejn spjegaw li wara li semgħu fuq id-dedikazzjoni ta’ Bjorn sabiex kemm jista’ jkun ittejjeb il-kwalità tal-pazjenti u l-qraba tagħhom, huma għażlu li jagħmlu din l-attività li ċertament se ġġib il-komunità flimkien.
“We are aware of the incredible work that Dar Bjorn does in the community and when we learned that they need fundraising for their new respite, we knew that we just had to get involved. So, what we’ve seen so far is really the community coming together. What makes the event more special is how closely involved Bjorn is in the project, so we really want to make sure that the Maltese people come and support the night.”
Niamh Carberry – White Label Casinos
“BGaming is growing really fast in Malta and for us it’s not just about running a business but about giving back to the community and helping others. For us it’s very important to support projects that help people and make their life better. So, this is why support charities.”
Liubou Stelmakh – BGaming
Hawnhekk tkellemna anke ma’ mart Bjorn, Maria, li uriet l-apprezzament tagħha għal dak li qed jagħmlu dawn il-kumpaniji barranin.
“Aħna napprezzaw ħafna li dawn il-kumpaniji jgħinuna billi jorganizzaw dawn l-events u b’hekk ningħaqdu flimkien, li bihom nagħtu xi ħaġa lura lil min jattendi u ngħinu fil-proġetti tagħna għal Dar Bjorn li jmiss.”
Maria Formosa
l-attività se tittella’ fid-9 ta’ Mejju li ġej se jkun lejl mill-isbaħ għal dawk kollha li jagħżlu li jattendu, bil-biljetti jistgħu jinxtraw minn fuq maltaoutlet.com u hemmek wieħed jagħżel l-avveniment ‘The Dar Bjorn Charity Gala’. Wieħed jista’ jagħmel anke kuntatt ma’ Dar Bjorn.
Wiħed jista jixtri l-biljetti minn fuq: https://maltaoutlet.com/products/the-dar-bjorn-charity-gala-a-night-of-elegance-and-purpose
Jew skenja hawnhekk:
