Id-Deputat tal-establishment Nazzjonalista Mark Anthony Sammut qal lil ONE News li ġie kkwotat ħażin f’rapportaġġ tagħna ppubblikat nhar il-Ħamis li għadda dwar kif il-Partit Nazzjonalista u l-għaqda Repubblika huma ħaġa waħda.
Dan anke jekk, fi tweġiba bi dritt ta’ risposta, spiċċa waqqa’ l-argumenti tiegħu meta kkonferma li ONE News irrapporta bil-filmat dak li effettivament kien iddikjara, jiġifieri li Repubblika kienet wara l-Partit Nazzjonalista.
Fid-dritt ta’ risposta jingħad li “kuntrarjament għal dak li rrapporta ONE, id-Deputat Mark Anthony Sammut qatt ma qal il-kliem ‘l-għaqda Repubblika qegħda wara l-PN… appoġġjatna bil-protesta’, li ġie rrapportat fil-kwotazzjonijiet bħallikieku hi kwotazzjoni diretta ta’ kliemu.”
Iżda, imbagħad, jagħlaq bil-kliem “dan jista’ jiġi konfermat mill-filmat li intom stess xandartu”.
