Il-Kunsill Malti għall-Iżvilupp Ekonomiku u Soċjali, l-MCESD, laqa’ b’mod pożittiv il-miżuri maħsuba sabiex inaqqsu t-traffiku mħabbra mill-Gvern, il-ġimgħa l-oħra.
F’kummenti li ta lil dan l-istazzjon, iċ-Chairman tal-MCESD il-Perit David Xuereb qal li d-djalogu soċjali ħadem hekk kif l-imsieħba flimkien mal-Gvern ikkollaboraw flimkien dwar din l-isfida.
Ġie spjegat li kien hemm konsultazzjoni wiesgħa mal-imsieħba, bil-komunikazzjoni qed tkun waħda b’saħħitha bejn iż-żewġ partijiet.
“Smajt l-imsieħba soċjali u l-Ministru wkoll jaqbel li dawn il-miżuri huma starting point, li jaħdem ejjew inħaddmuh, dak li forsi mhux qed jaħdem kif immaġinajna ejjew inbiddluh. Il-flessibilità kienet it-talba tal-imsieħba soċjali, il-Ministeru smajtu jaqbel u allura jekk nibdew hekk u ma ndumux ħafna biex nirreaġixxu u nifhmu x’ħadem u ma ħadimx, ikun żgur pass fid-direzzjoni t-tajba.”
David Xuereb, Chairman MCESD
