Il-Kamra tal-Periti ssospendiet il-warrant ta’ Roderick Camilleri u Anthony Mangion, li kienu nstabu ħatja b’rabta mal-mewt traġika ta’ Miriam Pace fil-Ħamrun, fit-2 ta’ Marzu 2020.
Fi stqarrija, il-Ġimgħa, il-Kamra tal-Periti qalet li l-Perit Roderick Camilleri nstab ħati bi ksur tal-kondotta professjonali u li naqqas li jħares il-prattiċi u standards professjonali. B’hekk, il-warrant tiegħu ġie sospiż għall-28 xahar.
REKLAM
SKROLLJA BIEX TKOMPLI
Fil-każ tal-Perit Anthony Mangion, il-Kunsill tal-Kamra tal-Periti sabu ħati talli naqas milli jħares ir-regoli li jiżguraw standards u prattiċi professjonali u għalhekk il-warrant tiegħu ġie sospiż għal 14-il xahar.
Id-deċiżjoni ngħatat wara li s-sena l-oħra ż-żewġ periti nstabu ħatja mill-Qorti.
