Roderick Grech ta’ 26 sena min-Naxxar tilef il-battalja bejn ħajja u mewt.
L-aħbar sfortunata kienet ikkomunikata mill-Pulizija dalgħodu, fl-istess jum li mistenni jitressaq il-Qorti raġel ta’ 36 sena residenti Birkirkara, b’rabta mad-daqqiet ta’ sikkina li l-ġuvni qala’ fis-sigħat bikrin tal-Erbgħa.
L-inċident seħħ għall-ħabta tas-siegħa ta’ filgħodu fi Triq Tumas Fenech, f’Birkirkara. Il-Pulizija tad-Distrett u tar-Rapid Intervention Unit sabu r-raġel li kien ferut u ttieħed Mater Dei.
