Waqt intervent fil-Parlament Ewropew, il-Membru Parlamentari Ewropew il-Partit Laburista Daniel Attard sostna li 20,000 tifel u tifla, daqskemm għandna tfal fl-iskejjel primarja tal-istat f’Malta – ġew maqtula, filwaqt li l-Parlament Ewropew baqa’ sieket.
L-Ewroparlamentari Laburista wissa li l-indifferenza fuq reati kontra l-umanità hija ekwivalenti għall-kompliċità. F’dan il-kuntest Attard saħaq li “mhuwiex anti-Semitiku li tikkundanna dawn ir-reati u li tinsisti għall-aċċess tal-għajnuna umanitarja”.
Daniel Attard temm jgħid li l-Unjoni Ewropea tilfet kull awtorità morali u ma tistax titkellem, aħseb u ara tipprietka, fuq xejn aktar jekk tibqa’ tagħlaq għajnejha quddiem il-ġenoċidju f’Gaza.
“And I have one piece of advice, I’m only new to this house but let us call a spade a spade because we have lost all our moral authority, we cannot speak on anything else if we’re turning a blind side to genocide, indifference is complicity.”
Daniel Attard, MPE Laburista
