Wara li Donald Trump fil-lista tat-tariffi ħabbar li l-importazzjoni mill-Unjoni Ewropea se tkun qed tiffaċċja tariffa ta’ 20%, Ursula von der Leyen iddikjarat li l-Unjoni Ewropea qed tipprepara aktar kontro miżuri sabiex tipproteġi l-interessi tagħha.
Il-President tal-Kummissjoni Ewropea qalet li bħalissa qed ikunu ffinalizzati l-ewwel pakkett ta’ kontro miżuri bħala risposta għat-tariffi fuq il-ħadid u issa se jippreparaw aktar kontro miżuri sabiex ikunu protetti l-interessi tal-negozji jekk in-negozjati jfallu. Hija kienet qed titkellem f’Samarkand, Uzbekistan fejn qed tattendi għall-ewwel summit bejn l-UE u l-Asja Ċentrali.
L-Erbgħa l-President Amerikan impona tariffa bażi ta’ 10% fuq il-pajjiżi kollha filwaqt li l-Unjoni Ewropea kienet fil-lista ta’ l-agħar 60 delinkwent li ingħataw rati aktar għolja.
Dawn it-tariffi mistennija jidħlu fis-seħħ nhar l-Erbgħa.
Aqra Aktar:
