Riżultati sbieħ minn sewwieqa maltin tal-Karting waqt it-tieni kompetizzjoni tal-Kampjonat Coppa Italia Zona 7 li saret jumejn ilu f’Villa Rosa Enna fi Sqalijja.
Fil-kategorija GGr3 Under 10 years ħadu sehem disa’ maltin minn 20 sewwieq. Kimi Bugeja rebaħ it-tiġrija tal-Gr3 under. Miegħu kien hemm ukoll Andre Fenech, Lyndon Fenech, Gabriel Borg, Yan Camilleri, Cody Darmanin, Zara Vella, Julian Vella u Gigi Muscat.
Fil-kategorija OkN Junior, Zane Pace temm it tiġrija fis-seba’ post minn 16 -il sewwieq. Sfortuntament Eli Xuereb kellu jtemm it-tigrija kmieni minħabba inċident fil-ħruġ tat-tiġrija.
Trevor Muscat fil-klassi KZN under spiċċa fir-raba’ post. Timothy Zarb ġie fis-seba’ post minn 21 sewwieq fil-kategorija OKN KZN. Rookie Claude Brincat kiseb ir-raba’ post minn 14 -il sewwieq.
