Il-Forzi Armati ssalva 23 persuna li kellhom bżonn l-għajnuna f’nofs ta’ baħar

Il-Forzi Armati ta’ Malta salvat 23 persuna, li kellhom bżonn l-assistenza waqt li kienu fuq dgħajsa f’nofs ta’ baħar mal-200 mil nawtiku ’l bogħod minn pajjiżna.  

Fi stqarrija, ingħad li l-Forzi Armati ntalbet tgħin lid-dgħajsa ta’ immigranti fejn ukoll kien hemm żewġt irġiel mejtin. 

Patrol boat tal-Forzi Armati telqet lejn il-post fejn damet mas-16-il siegħa biex waslet fejn ġiet interċettata d-dgħajsa, bl-individwi involut jingħataw ukoll l-għajnuna minn bastiment li kien fil-qrib, sakemm waslet l-assistenza minn Malta.