Tlett ġuvintur, sewwieq ta’ 20 sena u żewġ passiġġiera ta’ 21 u 22 sena, ġew arrestati wara li allegatament instabu fil-pussess ta’ qratas tad-droga kokaina.
Fi stqarrija mill-Pulizija ntqal li l-ġuvintur ġew arretati l-lejl li għadda, waqt kontroll tat-traffiku ta’ rutina li sar fi Triq Diċembru Tlettax, il-Marsa.
Intqal li l-Pulizija osservat vettura tieqaf aktar ’il fuq minn fejn kienu, b’persuna li kienet fiha dehret tarmi oġġett millp-vettura.
Irriżulta li l-oġġett mormi kien flixkun tal-ħġieġ, li madwaru kien hemm mat-18-il qartas.
Fil-vettura nstabu wkoll madwar 10 qratas oħra ta’ sustanza suspettata kokaina.
Dwar dan il-każ inħatret inkjesta mmexxija mill-Maġistrat Philip Galea Farrugia, waqt li l-investigazzjonijiet tal-Pulizija dwar dan il-każ għadhom għaddejji
