L-Orkestra Filarmonika ta’ Malta tippreżenta Rachmaninoff3, kunċert li jinkludi xogħlijiet ta’ Ravel, Rachmaninoff, u Prokofiev, taħt id-direzzjoni ta’ Sergei Smbatyan u bil-parteċipazzjoni tal-pjanist internazzjonali Behzod Abduraimov.
Magħruf għall-ħila teknika straordinarja tiegħu u għall-interpretazzjonijiet espressivi tiegħu, il-pjanist mill-Użbekistan Behzod Abduraimov se jdoqq il-Piano Concerto No 3 ta’ Rachmaninoff, xogħol magħruf għas-sbuħija lirika tiegħu.
Wara jkun imiss Pavane pour une infante défunte ta’ Ravel, kompożizzjoni sensittiva oriġinarjament miktuba għall-pjanu, li tgħaqqad melodiji eleganti u armoniji rikki. Il-programm jintemm bis-Seba’ Simfonija ta’ Prokofiev, xogħol riflessiv bi sbuħija nostalġika u dimensjoni introspettiva f’kuntrast mal-aspetti iżjed ritmiċi tal-kompożizzjonijiet bikrin ta’ Prokofiev.
Il-kunċert se jsir nhar is-Sibt, 25 ta’ Jannar, fil-Hilton Malta f’San Ġiljan.
Biljetti minn showshappening.com.
