L-ewwel episodju tas-sensiela l-ġdida KWIR ixxandar b’mod esklussiv fuq ONE nhar it-Tnejn 6 ta’ Jannar, u għalhekk bosta segwaċi huma ħerqana għat-tieni episodju. Il-produttur u l-moħħ ta’ KWIR, Brandon Terribile fuq il-mezzi soċjali tiegħu kiteb dwar ir-rispons pożittiv li rċieva wara l-ewwel episodju.
”Ninsab kuntent immens bir-rispons pożittiv wara l-ewwel episodju. Il-messaġġi, t-telefonati u aktar li rċevejna huma nkredibli. Il-kummenti u l-inkorraġiment ifakkruni għalfejn ħloqna KWIR, biex jispira, biex iżomm kuntatt u fuq kollox inxerdu storja li għandha sens. Dan huwa biss il-bidu u ħerqan biex taraw aktar”.
BRANDON TERRIBILE – PRODUTTUR TA’ KWIRREKLAMSKROLLJA BIEX TKOMPLI
Huwa propju minħabba f’hekk li ONE u l-produttur ta’ KWIR qed jenfasizzaw li s-segwaċi jsegwu l-ewwel episodju, għaliex dan l-episodju huwa importanti għal kif tibda tiżvillupa l-istorja. Għalhekk, fuq talba popolari, ONE se jkun qed ixandar repetizzjoni għall-ewwel episodju biss, il-Ġimgħa 10 ta’ Jannar fid-9:30pm.
It-tieni episodju ta’ KWIR jixxandar it-Tnejn 13 ta’ Jannar fid-8:45pm, esklussivament fuq ONE
