Ikomplu x-xandiriet u programmi speċjali fuq ONE matul dawn il-jiem ta’ festi u vaganzi. Lejlet il-Milied fid-9am fuq ONE u ONE Radio, it-trio Pierre Borg, Josef Caruana u Charles Marsh iwasslu edizzjoni speċjali u festiva ta’ THE MORNING MIX
Wara nofsinhar, fit-2:45pm jitwassal l-aħħar programm INDIGO qabel il-Milied filwaqt li fis-6pm CAROLS IN CONCERT, kunċert mill-isbaħ b’kor kbir taħt id-direzzjoni ta’ Tiziana Calleja
Fit-8:45pm, Lejlet il-Milied, edizzjoni speċjali ta’ AWLA ddedikata lill-Istrina, filwaqt li fl-10pm f’xandira diretta mill-Kappella ta’ San Ġużepp f’Santa Venera ONE ixandar il-QUDDIESA TA’ LEJLET IL-MILIED.
F’Jum il-Milied, it-trażmissjonijiet speċjali jibdew fid-9am. IL-MILIED GĦAT-TFAL huma numru ta’ programmi speċjali ddedikati lit-tfal.
Għal ħin ta’ nofsinhar, ONE jingħaqad b’mod dirett mal-Vatikan għal URBI ET ORBI, il-Barka tal-Papa Franġisku f’Jum il-Milied, filwaqt li fis-2pm PUER NATUS IN THE ROTUNDA, Kunċert mill-isbaħ mir-Rotunda tal-Mosta. Wara ONE NEWS tat-3:30pm, l-ispettaklu DECADE OF DANCE, mtella’ minn Kinetic Dance Company
Fit-8:15pm, edizzjoni speċjali ta’ MANICOLO & CO, fejn Jurgen se jlaqqa’ lis-segwaċi tiegħu ma’ Dr Lydia Abela, t-tifla u Ommha. Fid-9:15pm, il-film lokali KLASSI GĦALINA VS DRAGULA
L-Għada tal-Milied, l-iskeda ta’ ONE tkun iddedikata għall-ISTRINA 2024 l-ewwel edizzjoni taħt il-Presidenza tal-.E.T. Myriam Spiteri Debono. L-Istrina tixxandar minn nofisnhar sa nofsillejl
