MaltaPost se toħroġ sett ta’ tlett folji minjiatura bit-titlu “Anniversarji 2024”, biex tfakkar is-60 sena ta’ Independenza ta’ Malta, 50 sena minn meta saret Repubblika u 20 sena ta’ sħubija fl-Unjoni Ewropea.
It-tliet anniversarji iġiegħluna nirriflettu, kif ukoll niċċelebraw dawn l-okkażżjonijiet memorabbli fl-istorja ta’ pajjiżna. Dawn l-anniversarji jagħtu ġieħ lill-mexxejja Maltin li bil-viżjoni u d-dedikazzjoni tagħhom għall-iżvilupp tan-nazzjon, għenu lill-gżejjer Maltin biex isiru nazzjon ta’ success.
Kull bolla fil-folja minjatura hija ta’ daqs 35mm x 35mm, b’perforazzjoni ta’ 13.75 x 13.75 u għandha “watermark” bis-salib ta’ Malta. Kull folja minjatura hija ta’ daqs 60mm x 60mm u ġiet stampata minn Printex Limited bi proċess offset. Il-ħarġa tikkonsisti f’100,000 folja minjatura ta kull denominazzjoni – €1.00, 60 Sena Indipendenza – €2.00, 50 Sena Repubblika – €3.00, 20 Sena Sħubija fl-Unjoni Ewropea.
Din il-ħarġa filatelika se tkun għall-bejgħ mill-Fergħat Postali f’ Malta u Għawdex mill-Ġimgħa 20 ta’ Dicembru 2024. Ordnijiet jistgħu jsiru onlajn fuq https://www.maltaphilately.com/ jew bil-posta mill-Philatelic Bureau, MaltaPost p.l.c., 305, Triq Ħal Qormi, Marsa, MTP 1001 – telefon 2596 1740 – email info@maltaphilately.com
