Il-kantawtriċi ta’ 17-il sena Krista Šujak għadha kemm nediet il-kanzunetta emozzjonali ‘Words Unspoken’, li kitbet u kkomponiet hi stess meta kellha biss 12-il sena. Din ġiet interpretata għall-ewwel darba waqt Songcraft 2023 u tesplora d-diffikultà meta persuna tesprimi l-emozzjonijiet tagħha.
‘Words Unspoken’ titkellem dwar l-affarijiet li nibżgħu ngħidu, qalet Krista, waqt li żiedet li hi tfakkira biex nsibu konnessjoni ma’ oħrajn u ngħidu dak li verament jgħodd.
Wara d-debutt tagħha, Krista kompliet tispikka fl-industrija tal-mużika meta ħarġet il-kanzunetta ‘Stronger’ kif ukol ir-remix, f’kollaborazzjoni ma’ Roy Hamilton III, produttur li kien innominat għall-Grammy Awards.
B’‘Words Unspoken’, hi tirrifletti fuq il-bidu tal-vjaġġ tagħha, filwaqt li tenfasizza l-profondità emozzjonali u l-passjoni tagħha. Il-kanzunetti kollha huma disponibbli fuq Spotify, Apple Music u iTunes.
Krista hi rrappreżentata minn Ironic PR & Artist Management.
