Gowl wieħed skorjat fl-ewwel taqsima minn Matthew Debattista għamel id-differenza kollha fil-logħba mill-Bottom Six tat-360 Sports Malta Premier hekk kif Melita għelbu lil Balzan bl-skor ta’ 1 – 0.
Balzan fetħu tajjeb u wara seba’ minuti xutt ta’ Dimeji Awosanya sab lill-goalkeeper Andrzej Lubik attent sabiex salvalu f’corner.
Melita fetħu l-iskor fil-25 minuta meta Karl Mohnani għadda tajjeb mil-lemin , fajjar xutt b’Dylan Ciappara li salva’ iżda ma żammx, daħal pront Matthew Debattista xeħet il-ballun fix-xibka.
Melita mill-ġdid fuq l-attakk fit-42 minuta meta xutt minn barra l-kaxxa ta’ Alan Borg Olivier għadda barra.
Fit-tieni taqsima, it-tim ta’ Balzan pruvaw joħolqu reazzjoni u fil-51 minuta Dimeji Awosanya impenja lil Lubik li min-naħa tiegħu xeħet għall-korner.
Melita bdew jopperaw bil-kontrattakki u fit-68 minuta, xutt ta’ Matthew Debattista sab lill-goalkeeper Dylan Ciappara jilqa’ tajjeb.
Lejn it-tmiem, Melita laqtu l-lasta wara xutt ta’ Yepes.
Referee: Daniel Portelli
Plejer tal-Logħba: Karl Mohnani (Melita)
