Thomas Sammut rebaħ r-ranking tournament taż-żgħażagħ organizzat mill-Malta Darts Association meta kien l-iktar plejer konsistenti tul il-ġurnata ta’ logħob li ntlagħbet fiż-Żejtun Band Club.
Sammut rebaħ il-logħbiet kollha li lagħab fejn għeleb lil Riyaz Bonello 2-0, lil Jack Javier Scerri 2-1 u lil Shaun Ciappara 2-0.
REKLAM
SKROLLJA BIEX TKOMPLI
Peress li ġab skor medju ta’ 59.84, hu spiċċa fl-ewwel post tal-klassifika qabel Kyle Satariano li kellu medja ta’ 62.18 b’Geordie Zammit li ġie fit-tielet post b’47.87.
Din kienet ukoll it-tieni darba li Sammut rebaħ dan ir-ranking tournament wara li kien diġa’ kiseb suċċess fis-16 ta’ Novembru li għadda.
It-tielet turnew se jsir nhar il-Ġimgħa 13 ta’ Diċembru fiż-Żejtun Band Club.
