F’partita ferm tattika Hamrun S. u Sliema W. temmew il-konfront ta’ bejniethom fi draw ġust ta’ 1-1. Ta’ nota huwa l-fatt li din kienet partita kkaratterizzata minn ħafna logħob f’nofs il-ground, u li ħlief lejn l-aħħar tagħha, iddiżappuntat f’dak li jirrigwardja spettaklu u azzjonijiet lejn il-lasti avversjari.
Kien biss fit-18-il minuta li waslet l-ewwel azzjoni denja ta’ nota bi Sliema Wanderers ikunu huma li joħolqu l-periklu meta Mohamed Awad minn pożizzjoni ideali tefa’ ftit barra.
Hamrun wieġbu fit-22 minuta permezz ta’ freekick insidjuż ta’ Luke Montebello li għal ftit ma ħasadx lill-goalkeeper tal-Wanderers Kelvin Emega Egu li iżda dawwar tajjeb f’corner.
Fil-35 minuta il-coach Taljan ta’ Hamrun Alessandro Zinnari kien kostrett jaffettwa sostitużżjoni sfurzata meta weġġa’ għalihom il-player Juan Carlos Corbalan, biex minfloku daħal jilgħab is-sostitut Mattias Ellul. B’hekk, Hamrun komplew iżidu mal-lista ta’ players imweġġa’ li għandhom.
Fit-48 minuta, Hamrun ipprotestaw għall-penalty meta l-player ta’ Sliema Wescley għalkemm mhux intenzjonat deher imiss il-ballun b’idu fil-kaxxa, iżda r-referee Fyodor Zammit ħalla l-logħob għaddej.
Hamrun reġgħu ħolqu l-periklu erba’ minuti wara meta konklużjoni mid-distanza ta’ Elionay Freitas Da Silva rriżultat bħala wisq ċentrali u ġiet salvata mingħajr diffikultá minn Emeka Agu.
Fit-78 minuta kienu Sliema li ħolqu l-periklu permezz ta’ konklużjoni mid-distanza li iżda rriżultat bħala waħda għal kollox żbaljata ta’ Geoffrey Edwin Achempong, li ma rnexxilux jikkordina ruħu tajjeb, bil-ballun jintemm ferm għoli.
Iżda kontra x-xejra tal-logħob u minn żball fid-difiża ta’ Sliema Wanderers, Hamrun ikkastigawhom u fil-81 minuta fetħu l-iskor meta Raphael Lopes Silva għadda tajjeb lejn LUKE MONTEBELLO li kważi minn fuq il-penalty spot tefa’ ġewwa.
Sliema wieġbu sitt minuti wara permezz ta’ xutt b’saħħtu mid-distanza ta’ Steve Pisani li iżda ntemm għoli.
Iżda d-drama kienet għadha ma ntemmitx hawn meta fit-88 minuta iż-żagħżugħ Sven Xerri dawwar il-ballun għal ġewwa biex b’hekk irriżulta auto-goal sfortunat.
Dan sabiex fil-91 minuta Luke Montebello mar għas-saħħa iktar milli għall-preċiżjoni u kellu l-konklużjoni fil-baxx tiegħu minn pożizzjoni ideali tintemm ftit barra.
L-iskor baqa’ ma nbidilx sa tmiem il-partita, biż-żewġ timijiet jieħdu punt kull wieħed.
Referee: Fyodor Zammit
Plejer tal-Logħba: Luke Montebello (Hamrun S.)
