Żejtun Band Club A Rosso 33 laħqu lil Floriana Ajax A u Birgu Boċċi Club A fil-quċċata tal-klassifika tal-kampjonat tal-Ewwel Diviżjoni tad-Darts wara rebħa kbira ta’ 8-0 fid-derby kontra Żejtun Laċċi Maypole. Dan kollu hekk kif intemm l-ewwel round ta’ din il-kompetizzjoni.
Anke l-leaders l-oħra Floriana Ajax A u Birgu Boċċi Club A kisbu rebħiet bla tbatija kontra Ħamrun Bayern (7-1) u Juventutis Domus (7-1) rispettivament.
It-tieni tim tal-Floriana Ajax MCP għelbu lil Sliema Lounge A 6-2.
Fit-tieni diviżjoni, Duke Darts Team A jinsabu fil-quċċata tal-klassifika għalkemm xejn ma sabuha faċli jegħlbu l-isfida ta’ PO’s Bar 5-3. Anke Beland Bull’s Eye irreġistraw l-istess skor kontra Cox Bar filwaqt li Żejtun Band Club B għelbu lil Żejtun Laċċi Reds 7-1 fid-derby.
Birgu Boċċi Club B għelbu lil Top Gun Bar 6-2.
Finalment fit-tielet diviżjoni, Titans tal-Balklor komplew għaddejjin bit-triq tar-rebħ wara li għelbu lil Sliema Lounge B 8-0.
Duke’s Darts Team u Munchies Darts Team kisbu rebħiet identiċi ta’ 5-3 kontra Żurrieq FC u MMG rispettivament.
Kien hemm bilanċ assolut fil-logħba bejn Tal-Ġilju Team u Nicolo Isouard bl-iskor finali jkun dak ta’ 4-4.
