Surġent tal-Pulizija se titressaq il-Qorti b’rabta ma’ żvelar ta’ informazzjoni

Illum, għall-ħabta tas-siegħa ta’ waranofsinhar, il-Pulizija ser tressaq il-Qorti Surġent tal-Pulizija, quddiem il-Maġistrat Dr Victor Axiak.

L-uffiċjal ser titressaq il-Qorti wara investigazzjonijiet b’rabta ma’ żvelar ta’ informazzjoni lil terzi persuni.

Il-Korp tal-Pulizija jisħaq li ma jittollera ebda abbuż, ikun min ikun, anke minn membri tiegħu stess.