Manfred Weber ma jiċħadx l-allegazzjonijiet ta’ frodi, imma jgħid li għalissa ġurnalisti biss tkellmu

Il-Kap tal-Partit Popolari Ewropew, l-EPP, Manfred Weber, ma ċaħadx allegazzjonijiet ta’ frodi fil-konfront tiegħu, iżda tenna li għalissa l-ġurnalisti biss qed jitkellmu fuqhom.
Persuni qrib ta’ Weber qed jiffaċċjaw allegazzjonijiet ta’ korruzzjoni, frodi u misapproprjazzjoni ta’ fondi Ewropej hekk kif qed ikun allegat li tliet uffiċjali qrib tiegħu użaw tali fondi fil-kampanja għall-elezzjoni tal-Parlament tiegħu fl-2019.
Fil-midja internazzjonali qiegħed jiġi rrapportat li l-investigazzjoni qed titmexxa mill-Uffiċċju tal-Prosekutur Pubbliku Ewropew, l-EPPO, u qed tfittex jekk dawn l-uffiċċjali rċevewx tali fondi mill-EPP u użawhom fil-kampanja ta’ Weber b’mod illegali.
Madankollu, meta ffaċċjat b’dawn l-allegazzjonijiet minn ġurnalist ta’ ONE News, il-Kap tal-EPP, li jagħmel parti minnu l-Partit Nazzjonalista Malti, deher skomdu jwieġeb, filwaqt li ma ċaħadx l-allegazzjonijiet.

Ġurnalist: “Firstly, what do you make of these allegations and what is your reaction to them?”
Manfred Weber: “For the moment we only have press articles, so we do not have an official request from the authority to clarify anything.”

REKLAM

SKROLLJA BIEX TKOMPLI

Ġurnalist jistaqsi lil Manfred Weber, Kap tal-Partit Popolari Ewropew, l-EPP.

Weber li, bħall-Partit Nazzjonalista, jitkellem ħafna fuq is-saltna tad-dritt u l-korrettezza, saħansitra għażel li ma jweġibx meta mistoqsi hux se jirriżenja f’każ li l-EPP jintalab jikkjarifika ruħu f’din l-investigazzjoni.
Hawnhekk Weber għażel li jitfa’ l-akkużi taħt it-tapit hekk kif ipprova jnaqqas l-importanza tal-allegazzjonijiet, għax qal li għalissa l-ġurnalisti biss qed jistaqsu dwarhom, minkejja li jipprietka fuq il-importanza tal-ġurnaliżmu ħieles.

Ġurnalist: “If these allegations are brought to light and the EPP is requested to clarify. Will you resign?”

Manfred Weber: “There is no public request on the table to answer the question, only journalists are asking this question in this moment of time.”

Ġurnalist jistaqsi lil Manfred Weber, Kap tal-Partit Popolari Ewropew, l-EPP.

Ftit wara li dawn l-allegazzjonijiet ħarġu fil-pubbliku, l-eks Kap Nazzjonalista Simon Busuttil irriżenja minn Segretarju Ġenerali tal-EPP u l-id il-leminija tal-istess Weber.
Din ir-riżenja ġiet interpretata bħala waħda ta’ tħassib fid-dawl ta’ dawn l-allegazzjonijiet hekk kif kompliet iżżid id-dubji u s-suspetti dwar dak li kien qed jiġri fil-kurituri tal-EPP fil-qalba ta’ Brussell.