Raġel arrestat b’rabta mal-qabda ta’ 146kg droga fil-Port Ħieles – Jinżamm arrestat

Kurt Scicluna ta’ 31 sena miż-Żejtun, inżamm arrestat wara li tressaq il-Qorti b’rabta mal-qabda ta’ 146 kilogramma droga,
allegatament kokaina, li ddaħħlet f’pajjiżna mill-Port Ħieles.

Aktar qabel il-pulizija qalet kif l-investigazzjonijiet intensivi waslu biex ġiet identifikata persuna oħra li allegatament hija involuta f’dan iċ-ċirku ta’ kriminalità organizzata f’pajjiżna, fejn ġie arrestat raġel miż-Żejtun.

B’rabta ma’ dan l-arrest il-pulizija ssekwestrat ammont konsiderevoli ta’ flus kontanti, karozzi lussużi u ġojjellerija.