Jibqgħu deħlin fuq siġra bil-karozza f’parkeġġ fil-Furjana

Żewġ persuni baqgħu deħlin fuq siġra bil-karozza, li kienu fiha, waqt li kienu għaddejjin qrib il-parkeġġ fil-Furjana biswit id-Depot tal-Pulizija.

Waqt li ma jidhirx li kienu involuti vetturi oħrajn, mhux magħruf x’wassal biex il-karozza tat-tip Volkswagen baqgħet dieħla head-on fuq siġra matura u litteralment qaċċtitha minn postha. Is-siġra wkoll tkaxkret b’kollox għal ftit metri bogħod wara li l-karozza qabżet il-bankina u waqfet fil-parkeġġ.

Jidher li r-raġel u l-mara involuti ma weġġgħux, tant li ħarġu minnufih mill-vettura wara l-impatt.