Il-Portugiż ta’ 39 sena, Ruben Amorim inħatar uffiċjalment kowċ tat-tim Ingliż ta’ Manchester United.
Bħalissa, Amorim huwa l-kowċ tat-tim Portugiz, Sporting Lisbon.
REKLAM
SKROLLJA BIEX TKOMPLI
Huwa se jkun qed jieħu post l-Olandiż Erik ten Hag, li tkeċċa mill-kariga nhar it-Tnejn li għadda, wara numru ta’ riżultati diżappuntanti għar-Red Devils.
Huwa se jibda jaħdem mat-tim Ingliż mill-11 ta’ Novembru li ġej. Sa dakinhar, Ruud van Nistelrooy se jibqa’ kowċ interim ta’ Manchester United.
Amorim huwa s-sitt kowċ permanenti tar-Red Devils mill-2013 – is-sena meta ħalla l-klabb, il-kowċ leġġendarju, Sir Alex Ferguson, wara li dam imexxi t-tim minn Manchester għal aktar minn 26 sena.
