Studenti tal-Primarja minn żewġ skejjel kellhom ħolma mwettqa meta bħall-karattru tal-ktieb The Secret Garden, daħlu fil-ġnien sigriet tal-Palazz tal-President ta’ Malta, Marie-Louise Coleiro Preca. Hawnhekk sabu ħafna sigrieti jistennewhom, bħal kif jinkiteb ktieb, kif wieħed jaqra fil-pubbliku u fuq esperimenti xjentifiċi.
Il-kittieb Chares Casha tkellem mat-tfal dwar il-mod ta’ kif ħoloq l-istejjer u l-karattri, hekk kif il-fondazzjoni tal-President għal-Ħarsien tas-Soċjetà kontinwament jippromwovu l-qari.
Din hija t-tielet edizzjoni tal-Presidents Secret Garden li jippromwovi l-pareċipazzjoni tat-tfal f’diversi oqsma biex jitgħallmu jintegraw.
L-attivitajiet se jibqgħu għaddejjin sa Ġunju li ġej u bdew illum propju fil-Jum Dinji tal-Hena.
