L-Isptar Ġenerali ta’ Għawdex m’għadux wieħed iżolat għalih, hekk kif issa sar parti minn network ferm usa. Dan qalitu l-kap eżekuttiv tal-istess sptar Nadine Delicata, li fissret kif illum il-ġurnata teżisti ħidma b’saħħitha mal-kollegi ta’ Karen Grech u San Luqa.
Kollaborazzjoni li qed twassal biex it-tliet postijiet jaħdmu bħala entita waħda taħt l-umbrella ta’ Vitals Global Healthcare. U biex jimxu ‘l quddiem fil-kwalità u s-sigurtà offruti, bħala partners hemm Healthcare International, li jmexxi l-isptarijiet ta’ Harvard f’Boston.
