Il-kunċert annwali tal-Milied bil-parteċipazzjoni tat-tenur internazzjonali Malti Joseph Calleja huwa wieħed mill-appuntamenti tal-festi tal-Milied li bosta jkunu qed jistennew.
Wara s-suċċess tas-sena l-oħra bil-parteċipazzjoni ta’ Andrea Bocelli, din is-sena dan il-kunċert żgur li se jkun wieħed indimentikabbli hekk kif jaqsmu l-palk ma’ Joseph Calleja se jkun hemm it-trio rinomat Taljan pop operistiku, Il Volo.
Jakkumpanjawhom se jkun hemm l-Orkestra Filarmonika ta’ Malta taħt id-direzzjoni tas-surmast Aurelio Belli kif ukoll il-kor tat-tfal BOV Joseph Calleja Children’s Choir.
Dan il-kunċert qed ikun organizzat bis-sapport ta’ VisitMalta, l-Ministeru tat-Turiżmu u l-Bank of Valletta u se jsir fl-MFCC Ta’ Qali nhar l-20 ta’ Diċembru.
Biljetti disponibbli minn fuq showshappening.com mis-Sibt 19 ta’ Ottubru.
