Erbatax-il persuna u żewġt iklieb ġew salvati minn ħaddiema tas-salvataġġ mid-Dipartiment tal-Protezzjoni Ċivili wara li qabad komun ta’ blokka t’appartamenti f’Ta’ Xbiex.
Fuq il-post kien hemm pumpiera minn tliet stazzjonijiet tat-tifi tan-nar differenti li assistew lill-vittmi u evakwawhom permezz ta’ slielem mal-faċċata u maskli tal-evakwazzjoni.
Tim mediku mmexxi mit-tabib tal-emerġenza Michael Spiteri kienu wkoll fuq il-post fejn taw l-ewwel kura medika lil uħud mir-residenti b’erbgħa minnhom kellhom jiddaħħlu l-isptar għal aktar kura.
Minn informazzjoni li kiseb one.com.mt jidher li n-nar zviluppa f’parti fejn kien hemm il-meters tal-elettriku. Minħabba l-inċident, ħaddiema tal-Enemalta qatgħu is-sors ta’ dawl tal-blokka sakemm isiru t-tiswijiet neċessarji.
