Illum tingħata l-aħħar tislima lil Dun Anġ Seychell

Illum se tingħata l-aħħar tislima lil Dun Anġ Seychell, il-fundatur ta’ Dar Nazareth.

Huwa ħalla din id-dinja fl-età ta’ 91 sena, nhar is-Sibt li għadda.

Fil-ħdax ta’ dalgħodu, Dun Anġ se jkun espost fl-Oratorju tas-Santissimu Sagrament fiż-Żejtun.

Imbagħad għall-ħabta tal-erbgħa ta’ waranofsinhar, se tingħata l-aħħar tislima fil-Knisja Arċipretali ta’ Santa Katarina, fl-istess lokalità.

Imbagħad wara se jsir korteo funebru mill-Banda Żejtun u l-Banda Beland. Bid-difna se ssir fil-qabar ta’ Fondazzjoni Nazareth.