Iż-żewġ plejers żgħażagħ Danny Scicluna u Julia Bonnici bdew l-impenji tagħhom fit-Transalpine Trophy tat-table tennis li qed issir f’Bardonecchia fl-Italja.
B’xorti ħażina, kemm Scicluna kif ukoll Bonnici tilfu t-tliet logħbiet li lagħbu. Fl-ewwel logħba huma lagħbu kontra Toscana-Puglia u tilfu 2-0 filwaqt fit-tieni konfront irreġistraw l-istess skor kontra l-Kosovo.
REKLAM
SKROLLJA BIEX TKOMPLI
Il-Maltin tejbu l-wirja tagħhom fit-tielet logħba meta kontra Piemonte irnexxielhom jirbħu set għalkemm fl-aħħar mill-aħħar tilfu 2-1.
Il-kowċ ta’ esperjenza Mario Genovese qed jakkumpanja lil Scicluna u Bonnici. Dawn tal-aħħar se jipparteċipaw ukoll fit-tazza tal-Mediterran.
