Ħabta bejn 3 vetturi – raġel qed jingħata l-kura fuq il-post

Raġel qed jingħata l-kura minn tim mediku wara ħabta li seħħet bejn tliet vetturi fil-Pietà.

Xhieda fuq il-post qalulna kif ir-raġel kien qed isuq it-trakk, fejn għal xi raġuni daħal fil-karozza ta’ quddiemu u li sarilha ħsara estensiva.

Huwa deher taħt xokk u nħareġ mill-vettura minn tim mediku u ttieħed fl-ambulanza.

Il-kundizzjoni tiegħu għadha mhux magħrufa.

Fuq il-post hawn numru ta’ uffiċjali tal-Pulizija li għaddejjin bl-investigazzjonijiet tagħhom, waqt li qed jidderiġu t-traffiku.