Atleta b’apoloġija lejn martu talli tilef iċ-ċurkett tat-tieġ waqt iċ-ċerimonja tal-ftuħ tal-Olimpjadi

L-atleta Taljan Gianmarco Tamberi għamel apoloġija lill-martu talli tilef iċ-ċurkett tat-tieġ, waqt iċ-ċerimonja tal-ftuħ tal-Olimpjadi fix-xmara Seine, fil-kapitali Franċiżi, Pariġi, li saret il-Ġimgħa filgħaxija.

L-atleta ta’ 32 sena kien qed iġorr il-bandiera Taljana, meta ċ-ċurketta waqgħalu minn subgħajh. 

F’kitba fuq il-midja soċjali, Tamberi indirizza lill-martu u qal li issa dan iċ-ċurkett se jibqa’ fix-xmara tal-belt tal-imħabba.