Il-malti Matthew Camilleri rebaħ it-tieni ġlieda tiegħu fil-Cage Warriors (CW) wara li għeleb lit-taljan Emanuele Sabatino fil-Lightweight Division fight il-Ħamis filgħaxija fil-BEC Arena f’Manchester. Camilleri rebaħ il-ġlieda ta’ tliet rounds bi ‘split decision’.
Bir-rebħa tal-bieraħ, Camilleri għamilhom tmien rebħiet minn għaxar ġlidiet. Huwa qed ikompli jagħmel isem wara li għal dawn l-aħħar snin iddeċieda li jkompli bil-karriera barra minn xtutna, eżattament l-Ingilterra. Jitħarreġ man-Next Generation MMA Liverpool Gym filwaqt li huwa affiljat mal-American Kickboxing Academy.
Fil-preżent Matthew Camilleri huwa rrenkjat fit-32 post minn 231 ġellieda Pro Lightweights mir-Renju Unit u l-Irlanda filwaqt li jinsab fil-174 minn 1,326 ġellied fl-Ewropa.
