It-Tlieta filgħaxija Ħamrun Spartans kellhom l-ewwel impenn Ewropew f’partita mil-ewwel rawnd ta’ kwalifikazzjoni tal-UEFA Champions League kontra Lincoln Red Imps ta’ Ġibilta’ b’dawn tal-aħħar jirbħu 1 – 0.
L-ewwel azzjoni tal-partita waslet fit-tielet minuta meta kien hemm ballun fit-tul lejn Nano li tefa’ kross fil-kaxxa li kien inewtralizzat minn Ryan Camenmzuli qabel l-goalkeeper Henry Bonello salva u evita l-periklu.
Hamrun spiċċaw b’plejer anqas wara għaxar minuti logħob meta Freitas deher jwettaq daħla perikoluza fuq Villacanas Morales bir-referi tal-partita Aleksandar Stavrev ma’ ħasibix darbtejn u weriħ il-karta l-ħamra.
17 il-minuta u reġgħu Lincoln Red meta kien Nano li pprovda il-kross u Villacanas Morales kellu d-daqqa ta’ ras tiegħu salvata minn Henry Bonello.
Man-nofs siegħa logħob l-Spartans prostestaw għall-penalty meta Raphael Silva Lopes deher li seta’ kien mwaqqa’ fil-kaxxa bir-referi jħalli l-logħob għaddej.
Lincoln Red Imp fethu l-iskor fis- 37 minuta meta kien Ethan Britto b’azzjoni personali avvanza u daħal fil-kaxxa u b’xutt mill-isbaħ tefa’ l-ballun wara Henry Bonello.
Fl-44 minuta Lincoln Red wkoll spiccaw b’plejer anqas meta’ Kike Gomez wettaq foul fuq Joseph Mbong f’nofs l-ground u kien muri t-tieni karta safra u eventwalment l-karta ħamra biex ż-żewġ timijiet spiċċaw b’10 plejers.
Fl-aħħar azzjoni ta’ l-ewwel taqsima Licoln Red kienu mogħtija penalty, meta Emerson Marcellina deher li seta waqqa’ lill-Tjay De Barr fil-kaxxa, iżda wara l-intervent tal-VAR, l-penalty kien mħassar u De Barr kien muri l-karta safra għal simulazzjoni.
Minuta mil-ftuħ tat-tieni taqsima u Hamrun resqu viċin meta wara azzjoni ta’ corner kien Roko Prsa li rċieva l-ballun u kellu konklużjoni minn barra l-kaxxa li spiċċat kemm kemm għoli.
Fit-48 minuta wieġbu Lincoln Red meta freekick dirett ta’ Nano kien salvat bla problemi minn Henry Bonello.
Fit- 62 minuta kienu Hamrun Spartans permezz ta’ Wendel Da Silva Barros li kellu xutt sabih minn barra l-kaxxa salvatt mil-goalkeeper Nauzet Santana.
Żewġ minuti wara u mill-ġdid Hamrun meta kien Joseph Mbong li tefa’ kross tajjeb, u kien pront Nauzet Santana li ħataf l-ballun biex evita kull periklu.
Fil-65 minuta Hamrun Spartans resqu vicini li jagħmlu l-iskor indaqs meta freekick mill-isbaħ ta’ Raphael Silva Lopez li kien mxellef f’corner mill-goalkeeer. Mil-corner sussegwneti wara diversi tentattivi l-balun spiċċa għand Juan Carlos Corbolan li ra ċ-ċans tiegħu jispiċċa f’corner ieħor.
Tnax il-minuta mit-tmiem u għal darbohra kienu Ħamrun li pprovaw b’kross ta’ Juan Carlos Corbolan u Roko Prsa li ra t-tentattiv tiegħu jagħdi fuq l-lasti.
Referee: Aleksandar Stavrev (MKD)
